بروستد روبيان والصلصة الروووووووعة

جربوا هالطريقة والله راح تذوقون طعم أحلى من طعم شرمبي ولا الصلصة كل من ذاقها قالي هذي صلصة شرمبي مو معقولة عمل البيت..


المقادير:
كيلو روبيان منظف ومقشر إلا القشرة الأخيرة والذيل لا تشيلونها "اللي تبي طريقتي بتنظيف الروبيان تقولي وانزلها اياها ان شاء الله"

2 بيض مخفوق مع م ك خل و الملح والفلفل الأسود
خلطة البروستد من ماجي
طحين مع الملح والفلفل الأسود

زيت للقلي

الصلصة:
4 م ك صلصة الرانش من كرافت
1 م ك مايونيز
1 م ك بصل مفروم ناعم جدا جدا جدا
1 م ك خل أبيض
1 م ص بابريكا
1 م ص فلفل اسود

للتقديم : بطاطس "أي نوع" والصمون الايطالي الشباتا "من المطاحن الكويتية"

الطريقة:
*عند تنظيف الروبيان لاتشيلون الذيل وأخر قطعة من القشر..



نغمس الروبيان بالطحين ونغطيه كله إلا الذيل


نغمس الروبيان بالبيض ونغطيه كله إلا الذيل "ولازم نخليه يقطر كل البيض الزايد بحركات خفيفة عشان ينزل "
نحط حبات الروبيان بطبق فيه ورق زبدة ومتباعدين عشان مايلصق على الطبق لما يجمد بهالطريقة..



نقلي الروبيان بعد مانطلعة من الفريزر على طول نحطه بالزيت الغزير الحار..



ياخذ كل وجه من الروبيان مابين 2-4 دقايق بس أو لحد ما يصير لونه ذهبي مثل هاللون..



نحطه على الورق الماص ونتركه شوي لحد ماينزل الزيت منه..



لعمل الصلصة:
ننقع البصل بالخل لمدة على الأقل 15 دقيقة..
نخلط صلصة الرانش والمايونيز ونضيف البصل مع الخل والبهارات عليهم ونخلطهم ونقدمها..



نقدم الروبيان مع البطاطس والصلصة والصمون محمص شوي بالزبدة وبالعافية.. "للأسف هذي صورة الروبيان مع الشبيبس على الورق الماص لأن صورة الطبق النهائي ماادري شصار فيها إن شاء الله لما ارد اسويه احطها عشان تشوفون الصمون المحمص والتقديم"

با العافيه عليكم..
تحيااتي

مشكورة اختي اجربها انشاء اللة
يسلموووووووووووووووووووووووو

مشكووورة حياتو على الموضوع الحلو



روعــــــــــــــــــــــــــــــــــــــــــــــــــة





ننتضر جديدك

شكرا اختي مرة
روووووووووووووووووووووووووووووووووووووووووووعة

تجنن

يسلمووووووووووووو

تحياتي
اختك
بنت النبي